Ekki gemsasamband :)

Þá er erum við komnar til Bahamas. Og fyrsta uppgötvunin var að við höfum ekki gemsasamband :) Það er algjörlega brilljant, engin símtöl út af vinnunni í 8 daga :) Það þýðir reyndar líka engin sms frá vinum og kunningjum en það verður bara að hafa það!

New York er ÆÐI ÆÐI ÆÐI

Hefði aldrei trúað því að ég gæti orðið svona heilluð af nokkurri borg en ég er algjörlega fallin fyrir þessari borg og á örugglega eftir að koma hingað oft og mörgum sinnum :) Þrátt fyrir talsverðan hita og töluverðan raka (vaknaði þrisvar í nótt, kófsveitt og klístruð) þá skyggir það ekki á, síður en svo.
Þetta erum við búnar að gera:
Þramma um Soho og Greenwich Village
Fyrir yfir í Brooklyn til að sjá Lower Manhattan úr fjarlægð og fá okkur brunch
Labba Brooklyn brúnna til baka í steikjandi hita og sól
Versla slatta ;)
Borða brunch á frönsku brasserie-i
Borða kvöldmat á Rosa Mexicano þar sem ég fékk það besta guacamole sem ég hef smakkað
Borða á filipeyskum stað sem innfæddur New York Filipseyingur mælti með
Borða á tælenskum stað sem minnir svolítið á Patara í London
Fá okkur drykk á Coyote Ugly bar þar sem barstúlkan dansaði uppá borði og veggirnir voru skreyttir með brjóstahöldurum
Drekka slatta af hvítvíni, bjór og kampavíni
Í dag er stefnan tekin á MOMA (Museum of Modern Art) sem mér skilst að sé mikið skemmtilegt safn, labba í Central Park og örugglega eitthvað fleira. En nú er fyrst á dagskrá að fara eitthvað og fá sér brunch. Á morgun er það svo rise and shine á ókristilegum tíma því við þurfum að vakna kl. 5 í fyrramálið til að ná flugi kl. 8 til Bahamas :)