Þögnin rofin

Þetta blogg hér fyrir neðan var skrifað 23. september og ég gleymdi að birta það :) Held það sé varla hægt að vera verri bloggari!! En kannski bara tilvalið að nota það til að byrja aftur að bulla


Title: Síðasta bloggið í dalnum
Jæja... alltaf í boltanum? Ég er sennilega versti bloggari sem fyrirfinnst og þ.a.l. held ég að ætti bara að hætta þessari vitleysu! Eða hvað? Kannski ég taki smá skorpu, svona rétt til að rifja upp hvað hefur á daga mína drifið að undanförnu.

17.-22. ágúst
Delia og Lilja í heimsókn:
Grill til Katrínar í Potters Barn í N-London. Ekkert smá notalegt, hún er þvílíkur höfðingi heim að sækja að það hálfa væri alveg passlegt. Þvílík veisla... mmmmm...
Rolling Stones tónleikar - grúppa sem maður verður að sjá læv amk einu sinni um ævina og ég held að bráðum fari hver að verða síðastur til þess. Ekki að þeir hafi ekki verið í fullu fjöri, ó mæ god... Djaggerinn á skrilljón og tíu út um allt svið (sem er note bene það stærsta sem ég hef séð) og hann þarna gítarleikari sem hrundi niðrúr pálmatrénu bara þokkalega sprækur... Keith eitthvað... svakalega krumpaður en sennilega eru gítarlaglínurnar inngreiptar í lúkurnar á honum þannig að hann þarf svo sem ekki mikið að hafa fyrir þessu. Og Ms. Prudence Clearwater er náttúrulega die hard aðdáandi þannig að hún var alveg að fíla þetta í tætlur. Eina sem skyggði á gleðina var að það tók rúmlega 2 tíma að komast heim (myndi taka ca 20-25 mín undir venjulegum kringumstæðum) Gleymdi myndavélinni því miður heima þannig að það eru engar myndir til á föstu formi af viðburðinum.